Cerkak

Jawah

Srengenge enjing punika taksih dereng ketingal, awangipun klawu, siti wonten ngajeng griya ketingal teles. Manuk - manuk sami ngiyup wonten ndhuwur wit - witan.
"Tik...tik...tik... bunyi hujan di atas genting. Lha malah udan, pie iki le mangkat sekolah." ujaripun Sara.
Kaanan ingkang kados menika saenipun nglajengaken tilem, atis banjur selimutan. Ananging Sara kedah sekolah, amargi sampun kelas 6 sakedhap malih badhe wonten ujian nasional.
"Kok durung mangkat Sar? Nunggoni apa?" pitakenanipun ibu.
"Eh ibu, niki bu, malah jawah. Kula dados memeng sekolah hehe." wangsulanipun Sara.
"Wis kana ndang mangkat, selak telat." "Iki payunge. Mlakune sing alon aja ndlenger!" parintahipun ibu.
"Nggih bu matur nuwun. Kula budhal rumiyin." pamitipun Sara kaliyan ngegaraken payung.
marginipun sepi, kendaraanipun ugi ketingal awis. Sapisan kepethukan kaliyan tiyang ingkang nembe dhateng peken.
"Peken yu."
"Iya, sekolah ndhuk?" wangsulanipun Yu Jiem
"Enggih yu, mangga kula riyin." pamitipun kula
"Ya kana, ati-ati. Sekolah sing pinter."
Kirang langkung 15 menitan kula dugi sekucal. kanca - kanca ingkang sami wonten kelas taksih sakedhik, sanesipun dereng budhal amargi jawah.
"Tak kira koe ora mangkat Sar." ujaripun Dira.
"Mangkat to, halah gur grimis kaya ngene." wangsulanipun kula.
"Nggayane, kremun wae koe wegah metu." tambahipun Andi.
"Haiya, wedi samar dadi mermaid haha." Riko ugi nambahi.
"Hahahahaha." sedaya ingkang wonten kelas sami geguyu kula. Kula namung mendel kemawon males ngladeni kanca - kanca kula.
Boten dangu, Bu Tari rawuh. Ananging kok boten bekta buku saha piranti ngajar.
"Sugeng enjing murid - murid."
"Sugeng enjing bu."
"Amarga sesok ana tryout, saiki dha resik-resik kelas wae ya. Aja lali, bubar kelas ana les agama."
"Inggih bu." wangsulane murid
Saksampunipun nyukani tugas, Bu Tari medal kelas. Kahanan kelas dados rame kayata peken. Roni medal saking kelas.
"Wah isih udan iki, ayo kecehan." ajake Roni.
"Wegah aku, ndak masuk angin." wangsulane Sani
Dumadakan Roni njorogagen Sani, Rasukanipun Sani dados teles klebes.
"Roniiiiiiii, awas kowe!"
Bocah kelas sami nggeguyokaken Sani, mekaten ugi Sara. Amargi mrisani Sani ingkang teles, bocah kelas dados kepengen keceh. Sedaya sami ngepel-ngepelan wonten teras kelas kaliyan jawah-jawahan. Boten perduli rasukanipun teles, mbasia mangkih wonten les agama.
Lajeng murid - murid sami dipundukani Bu Tari. Ananging murid - murid namung cengar cengir kemawon. Akhire les agama dinten punika dipun boten wontenaken. Murid - murid sami surak - surak bingah.