Tahu Bulat

Tahu bulat ...

Digoreng dadakan

500an

Siapa yg sering denger kata - kata itu hayooo? Aku sih sering banget ngeliat abang tahu bulat di depan kostku hihi 😂

Murah meriah lo teman-teman. Cuma 500an, rasanya pun top markotopppp. Teman nyemil saat gabut melanda 😆.

Cerita

Kaget

Kamis iki aku lan kanca-kanca sakkelasku ana pelajaran olahraga, yaiku kelas xii ips 10. Awakedhewe olahraga ana ing lapangan basket amarga materine yaiku basket. rampung olahraga awake saya kemrungsung, sumuk, ora genah-genah. Banjur aku lan kanca-kanca salin seragam identitas ono ing kamar mandi. Sakwise salin banjur aku dijak Wati menyang koperasi anggone jajan. Tekan ngarep kelas jebulane Yuli, Rahma, karo Siti arep melu nang koperasi. Sakwise rampung jajan banjur balik nuju kelas, kelasku ono ing ndhuwur lantai 2. Anggone aku arep mbukak lawang kelas kok kahanane sepi tanpa swara. Dumadakan Andi nyeluk aku, Wati, Yuli, Rahma karo Siti.

"Ana apa e Ndi?" ujarku marang Andi

"Rene kowe cah 5 maju nang ngarep kelas."

Aku dadi bingung, nang ngarep kelas wis ana Jodi, Anto, Nita lungguh ning kursi sing wis disediakake karo bocah-bocah. Banjur aku nuruti melu lungguh ning ngarep.

Aku tambah bingung, kahanane dadi mencekam kaya ngene, aku ora ngerti apa-apa kok aku dilungguhke ning ngarep kelas bareng cah 7 iki.

"Iki ana apa to Ndi?" pitakone Jodi

"Iya iki ki ngapa Ndi? Aku ra ngerti apa-apa iki." tambahe Siti

"Uwis saiki do meneng kabeh wae." ujare Andi

"Ha kepiye to Ndi. Ngajak gelut po piye awakmu?" tegase Anto

"Wis wis, sing santai sek. Rungokke Andi ndhisik!" ujare Cahya nengahi

"Cepet to Ndi jelaske, ora usah kesuwen." jawabku

Kahanane nggawe aku dadi wedi, bocah-bocah sing lungguh ning ngarep kelas yo padha kebingungan ora ngerti kudu kepiye.

"Wingi kowe-kowe padha nggawe masalah apa karo Bu Mawar?" ujare Andi. Nadane keras nggawe aku sakanca tambah deg-degan. Bu Mawar yaiku wali kelas xii ips 10 sing dikenal tegas, galak, lan disiplin. Sapa wae sing nduwe masalah babagan kelas, bakale sowan karo Bu Mawar.

"Nggawe masalah apa? Aku rumangsa ora nyalahi." belane Rahma

"Iya aku padha. Iki ki kenangapa si saktenane?" jawabku

"Halah, ora usah ngalor ngidul. Ngakuo kowe cah." Bagus mbelani Andi

"Woy salah apa? Awakedhewe ora rumangsa. Ora usah golek perkara." jawab Jodi, nanging karo nantang amarga uwis ngrasa judeg.

"Ora usah golek perkara liya, iki sakjane ana apa?" Wati melu mangsuli

"Ngaku wae ora usah do ngapusi, wingi do kowe padha nduwe salah apa marang bu Mawar? Mesakke bu Mawar ngerti ora?"

Mripatku uwis abang mbranang, dilit maneh banyu bakale mili saka mripatku. Anto ngandani aku yen ora usah nangis, merga dhewe ora salah dadi ora usah padha wedi.

Nanging aku uwis kebacut nangis, amarga uwis ora bisa nahan.

Kahanan tambah mencekam padha padu golek pembelaan.

Bocah kelas liyane padha melu meneng.

Sakwise nglewati perdebatan kang rame Andi ngomong

"Ngerti ra?"

Kabeh padha meneng ora ana sing nyauri, merga uwis padha judeg kabeh.

"Iki sing jenenge tisu." ujare Andi karo ngetokke tisu saka sak kathoke.

Sing padha lungguh nang ngarep padha mencak-mencak kabeh, aku uga.

"Hahaha gelem wae dapusi." Andi lan kanca kelas liyane padha ngguyu kepingkel - pingkel.

"Wola iki dasar Andi. Awas kowe yo." jawabe Jodi

"Gelut wae yo Ndi, emosi aku." Omonge Anto

"Hahaha santai - santai cah, rasah sepaneng. Gur guyon." Tambahe Andi

Awale aku wis deg-degan, jebule iki mung guyonane cah kelas. Lebar kemis minggu, e lebar nangis aku trus ngguyu.

_________________________________________

Lagi embuh

Kepiye

Dening : Ega Novia Putri

Aku ngimpi dhuwur
Nalika kuwi si cebol arep nggayuh lintang
Si gajah arep ngendhog anake
Si kodok arep muni bengi-bengi
Sajake aku nglindur
Sajake aku kuciwa
Nanging kenangapa?
Wis dak coba ngono ngene
Nanging nyatane aku kudu kepiye?
Sambatan opo sek arep kok rungokke
Bungah susah tak relakke
Nanging aku sapa
Aku bisa apa
Oh.....
Sajake aku gur kurang metu
Metu saka kasunyatan
Nyatane manah iki isih mangsa rendheng

Sikrab PBD 2017

Pancoh, Turi, 24 September 2017

Yogyakarta, 22 September 2017

Resensi Serat Ramayana

1. Identitas Buku

Irah – irahan : Serat Ramayana (Reroncen Balungan Pakem Cariyos Ringgit Purwo)

Penganggit : Bondhan Hargana SW

Kacithak dening : CV. Cendrawasih

Kacithak ßwonten ing : Sukoharjo - Surakarta

Cacahing lembar : 82 kaca

Kacithak Warsa : 1998

2. Ringkasan Buku :

Serat Ramayana dening Bondhan Harghana SW menika nyariyosaken lampahing gesang prabu Rama. Ananging wonten serat menika dipunpara dados pinten – pinten bab, inggih punika wonten 25 bab. Kadosta saking bab setunggal wonten cariyos Lahiripun Sri Harjunasastra, bab kaping kalih wonten cariyos Alap – Alapan Dewi Sukesi, Sugriwa – Subali, Bedhahipun Lokapala, Sumantri Ngenger, Dasamuka Glandhang, Bedhahipun Maespati, Alap – Alapan Dewi Ragu, Bedhahipun Negari Binggala, Lahiripun Raden Regawa, Lahiripun Anoman, Jamadagni Gugur, Resi Subali Gugur, Anoman Duta, Wibisana Tundhung, Rama Tambak, Anggada Duta, Prahastha Gugur, Pejahipun Bukbis, Kumbakarna Gugur, Indrajid Gugur, Brubuh Ngalengka, Anggada Mbalela, Shinta Obong, kaliyan ingkang pungkasan menika cariyos Rama Nitik. Kisah Ramayana menika dipunwiwiti Rama inggih punika putra mahkota Prabu Dasarata wonten Kosala ibukotanipun Ayodya. Gadhah tigang sedulur tiri kanthi nama Barata, Laksmana, kaliyan Satrukna. Wiwit remaja Rama kaliyan Laksmana meguru dhateng Wismamitra dados pemuda ingkang kuat. Banjur ndherek sayembara, Rama kaliyan Laksmana dibebungahi putri pambarepipun Prabu Janaka, inggih punika Shinta, dene Laksmana dipunrabikaken kanthi Urmila, adhinipun Shinta. Rama kaliyan Laksmana dibuwang wonten alas. Kathah pacoban ingkang dipunadhepi, inggih punika ngadhepi buta Rahwana. Shinta dipunculik kaliyan Rahwana lan dibekta menyang Alengka. Rama kaliyan Laksama sumerep Sugriwa kaliyan Hanuman, Sugriwa kaliyan Hanuwan mbiyantu madosi Shinta. Saksampunipun kadadeyan mbebasaken Shinta sedaya menyang Ayodya kanthi sambutan ingkang meriah.
Paraga Rama inggih punika pahlawan ingkang kedadosan nglempak kekuwatan rakyat ingkang dipungambaraken dados pasukan kethek kapimpin Prabu Sugriwa.

3. Kesaenan lan Kekirangan Serat
a. Kesaenan Serat
Serat Ramayana menika nyariyosaken lampahing gesang Rama kanthi runtut kaliyan jangkep. Cover serat  radi nggeret pamaos kangge maos.
b. Kekirangan Serat
Bahasa kaliyan isinipun rekaos dipunngerteni.

Geguritan

Mah piye
Dening : Ega Novia Putri

Sore iki srengenge mendhem cahyane
Dumadakan lintang ngebaki awang-awang
Nalika kuwi esemmu nyumebar
Nyumebar ing sajroning manah
Kesengsem ....
Aku kesengsem marang pribadhimu
Tresna iki tuwuh ing jero atiku
Aku ora ngerti
Rasa iki teka dhewe padahal aku ora nyeluke
Banjur saiki?
Aku kudu piye?

Jajanan Tradisional Lupis

Apa kang diarani lupis kui?

Ana sing ngerti?

Ana sing wis tau mangan?

Lupis yaiku jajanan tradisional sing digawe saka beras ketan kang wis dikum banjur didang, saklebare kuwi banjur dibungkus nganggo godhong gedhang.

Lumprahe wong mangan lupis, kuwi karo juruh. Amarga juruh kuwi kang nggawe rasa lupis jos gandhosssss 👍

Awakmu pingin mangan lupis? Menyango pasar tradisional utawa pusat jajanan tradisional. Biasane isih akeh sek dodol nang kono. Upama awakmu nang Yogyakarta, menyango sunmor (Sunday morning) UGM, ning kono ana sing dodolan lupis, cenil, lan liya-liyane kanthi rega kang murah.

Apa iya?

Menyang pasar tukune uyah,

Banjur mampir tuku suwiwi

Kembang bisa alum dipangan wayah, 

Apa tresna uga kaya kuwi? 

Sore Kuwi 🌆

Srengenge miwiti ngadoh saka asale.

Lan impi miwiti nggugat karo lintange.

Yogyakarta, 15 September 2017

Resensi buku serat panutan

1. Identitas Buku

Irah – irahan                 : Serat Panutan

Penganggit              : Mas Prawirosudirjo 

Kacithak dening      : Proyek Penerbitan Buku Sastra Indonesia dan Daerah

Kacithak wonten ing    : Jakarta

Cacahing lembar           : 95 kaca

Kacithak Warsa            : 1980

2. Ringkasan

Buku kanthi irah – irahan “SERAT PANUTAN” dening Mas Prawirosudirjo menika nyeriyosaken kegesangan manungsa ingkang boten tebih saking piwulanging tiyang sepuh. Menapa kemawon ingkang dipuntumindakaken tiyang sepuh biyasanipun dipuntedhak lare alit. Sarehning, tiyang sepuh kedah ngatos – atos sedayanipun saha piwulangipun kedah sae. Kathah tiyang sepuh ingkang remen dhateng anak, anak – anak dados enering tingal saha dodolanan ingkang mboten mboseni. Wonten saklebeting buku menika ngemu ceriyos tiyang jaler estri ingkang nama Singadrana mapan wonten dhusun Sidamulyo. Kegesanganipun ayem tentrem dereng nate kekirangan tedha, sabab sugih kasagedan, taberi nyambut damel, gemi, lan angatos – atos. Angenipun emah – emah rukun sanget. Piyambakipun gadhah anak jaler satunggal saweg umur kalih tahun, nama Dapa. Dapa menika dipun urus kanthi asih tresna. Ananging, dumadakan Singadrana jaler ginanjar sakit benter sakwetawis dinten saha katilar pejah. Nalika dipuntilar garwanipun, mbok Singadrana njagi Dapa piyambakan, piyambakipun nyekapi kabetahanipun sakdinten - dinten. Wonten ing satunggaling dinten Bauwijaya sowan mbok Singadrana kangge nagih utang amargi utangipun sampun titi wancinipun, menawi dereng saged nyauri sawahipun mbok Singadrana badhe dipunpek. Ananging mbok Singadrana dereng gadhah arta ingkang cekap kangge ngauri utangipun. Lajeng piyambakipun ngampil arta wonten Suramenggala kaliyan nyuwun padamelan kangge nyekapi kabetahan sakdinten – dinten. Mbok Singadrana dipun paringi padamelan anggentang. Lami – lami Suramenggala jaler estri langkung pitados lan tresna, panganggepipun kados dhateng sadherek estri piyambak. Mbok Singadrana nyambut damel kanthi trusing manah, wiwit alit Dapa inggih dipunwucal kangge prihatos. Watekipun Dapa sae boten neka – neka, Dapa purun mbiyantu mbok Singadrana nyambut damel. Amargi sregep ugi sumagah piyambakipun sampun gadhah babon, wedhus, gudel, kaliyan sabin asiling nyambut damel mbiyantu mbok Singadrana. Mbok Randha remen sanget amargi Dapa boten nindakaken babagan ingkang awon. 

Gantos ceriyos Dapa kanikahaken kaliyan Tentrem, putrinipun Darmadrana jaler estri. Lajeng Dapa pindhah nama sepuh Kertareja. Anggenipun jejodhowan runtut rukun boten nate wonten pasulayan, rejekinipun sae. Boten kados Bauwijaya ingkang ngantos dhumawahing kacingkrangan, amargi wateki angkuhipun. Ananging kaliyan watek sae ingkang dipungadhahi Kertareja, Bauwijaya dipunbiyantu Kertareja nyukani pawitan warni pantun kawan anggi. Bauwijaya mantuni awatak angkuh ambek sumakehan, purun andhap asor ngajeni dhateng sesami, lami – lami sugih mitra saha kawanuhan.

Kasugihanipun Kertareja saya angrada, salebeting dhusun Sidamulya. Remen tulung – tinulung kaliyan sesami. Wekasan ngantos dumugi sepuh Kertareja lestantun dados tiyang mukti wibawa.